"Па кім маўчыць звон", дак. фільм тэлеканалу "Белсат"
Насупраць будынку беларускага КДБ месціцца менская крама Пад гадзіннікам. Яе так называюць, бо у тым доме ёсць вежа з гадзіннікам, які лічаць найстарэйшым у горадзе яму каля 150 гадоў. Гадзіннік прывезлі з Кёнігсбэргу пасля вайны. Яго бачаць усе, але мала хто ведае, што на вежы яшчэ знаходзіцца звон. Раней ён быў падлучаны да гадзінніка і выбіваў час. Прычым гэта не маленькі гадзіннікавы, але вялікі царкоўны звон з моцным нізкім голасам. Вядома, што звон адлучылі праз некалькі гадоў пасля збудавання дому з гадзіннікам, на пачатку 1950 - х гадоў.
Звон быў адліты у 1929 г. на памяць аб жаўнерах Менскага пяхотнага палка.
Полк менскіх стралкоў, інакш 86 - ы пяхотны полк, быў зарганізаваны ў 1918 г. Тады, пасля Першае сусветнае вайны, Менск мусіў адысці да тэрыторыі Расеі, дзе ўладу захапілі бальшавікі. Падчас польска - бальшавіцкае вайны 1919-1920 гг. полк знаходзіўся ў складзе I літоўска - беларускай дывізіі. Польскі ўрад падтрымаў фармаванне палка, які вылучаўся асабліваю адвагаю ў баях з бальшавікамі. З ягоным удзелам гарады Ваўкавыск, Слонім, Баранавічы, Слуцк і Старыя Дарогі былі ачышчаныя ад чырвоных. У 1920 г. Менскі пяхотны разам з Віленскім палком стральцоў адзначыўся у гераічнай бітве ў Крывавым лесе пад Лідаю, дзе яны супольна бараніліся перад 20 - цю палкамі часткі III Арміі Працоўна - сялянскай Чырвонай Арміі. Заходняя Беларусь засталася ў Польшчы пасля Рыжскае мірнае дамовы, а Менскі полк пераназвалі ў 86 - ы пяхотны і размесцілі ў Маладзечне і ваколіцах, адкуль да тагачаснае мяжы з СССР было усяго 17 км чыгункаю.
2008 г., Беларусь
Watch video "Па кім маўчыць звон", дак. фільм тэлеканалу "Белсат" online, duration hours minute second in high quality that is uploaded to the channel БЕЛСАТ NEWS 22 February 2011. Share the link to the video on social media so that your subscribers and friends will also watch this video. This video clip has been viewed 12,657 times and liked it 173 visitors.
