"Karot" ensemble - Sahari (Armenian folk dance)
Հարսանիքների ժամանակ կատարվող «Սահարի» պարեղանակն է՝ «Կարոտ» անսամբլի կատարմամբ։ Սա արևագալի մեղեդի է, որ կատարվում է հարսանիքի նախօրեին` ազդարարելով հարսանիքի սկիզբը։ Սահարի անվանումը հայերենին անցած արաբա-իրանական փոխառություն է և նշանակում է արևածագ, արշալույս։ Բառը հայ մատենագրության մեջ հանդիպում է դեռևս 16-րդ դարի բանաստեղծ կաթողիկոս Գրիգորիս Աղթամարցու ստեղծագործություններում «Ս՜ըրղի սըհար»՝ «արշալույսի թռչուն» իմաստով։
Իբրև հարսանեկան կանչ-հրավեր, սահարին հնչել է Վայոց ձորում, Տավուշում, Սյունիքում, Ալաշկերտում, Սպիտակում, Արցախում և այլուր։ Առավելագույնս հայտնի է որպես հարսանեկան ծեսի պարտադիր տարր և յուրահատուկ խորհրդանշան Դրա վկայությունն են բանահյուսական օրինակները՝ «Սըհարին երեսիցըդ ժուռ գա», «Սհարին քթածակովըտ տյուս կյա» անեծքներն ու «Տեր Ասւոուծ, րեխանցը Սիհարուն աժան անես» կամ «Մին քյու Սիհարին էլ լսեմ ու աչքս փակեմ» օրհնանք-մաղթանքները (Տավուշ, Ուտիք)։
Բացի հարսանիքից, նույն՝ մարդկանց համախմբելու նպատակով, այն կատարվում է ավանդական տարբեր տոների և ծեսերի ժամանակ։
Watch video "Karot" ensemble - Sahari (Armenian folk dance) online, duration hours minute second in high quality that is uploaded to the channel ԱՅԳԱԲԵՐ 03 November 2024. Share the link to the video on social media so that your subscribers and friends will also watch this video. This video clip has been viewed 278 times and liked it 22 visitors.
